Nyhende

Hadeland dialekt- og mållag har tenkt å dele ut Dialektprisen for Hadeland 2018, etter 8 års avbrot. Veit du om nokon du meiner fortener prisen?

Vi ser etter personar som har vore eller er viktige for hadelandsdialekta, ei dialekt som på lik linje med dei fleste andre dialektane i i landet er truga av utvanning og bymål. Vi meiner at i ei tid der ytre krafter kan virke splittande (t.d regionreform), er dialekta vår samlande og gir felleskap, den er ein viktig bærar av den felles historien vår og ei flott dialekt vi kan være stolte av.

I statuttane våre står det:

1. Dialektprisen er ei påskjøning frå Hadeland dialekt- og mållag til personar eller institusjonar som har gjort framifrå arbeid for hadelandsdialekta – anten ved sjølve å vera gode talskvinner eller talsmenn for dialektreisinga, eller gjennom opplysing og forståing for dialektbruk gjennom vitskapleg, kulturelt eller målpolitisk arbeid.

Vi samarbeider med medielinja på HVS, som vil reise rundt og gjere videointervjuer av kandidatane til prisen. Det er styret i mållaget som kårer vinnaren, og vi deler ut prisen på åpninga av Vinje-jubileet i Steinhuset 14.mars.

Vi oppmoder alle som har aktuelle kandidatar til å sende inn ein kort presentasjon og grunngjeving til så fort som råd og seinast 25. februar.

Dialektprisen for Hadeland er tidlegare gitt til:

2007 Bjørn Liaklev, Jaren

2008 Kari Ruud Flem, Jevnaker

2009 Gerd Nyland, Jaren

2010 Hans Næss, Gran