Terje Johanssen-dagene

Laurdag held litteraturfestivalen fram med konsert i ærverdige Sct. Petri: Kom og høyr musikarane Helga Myhr og Henriette Hvidsten Eilertsen ! Kom og høyr Einar Økland les eigne dikt og Martha Kjørven lese dikt av Terje Johanssen.

Folkemusikar Helga Myhr kjem frå Ål i Hallingdal. Ho har vunne spellemannspris som medlem av bandet Morgonrode i kategorien folkemusikk/tradisjonsmusikk. Ho spelar hardangerfele og syng.

I kyrkja får du også høyre Henriette Hvidsten Eilertsen på fløyte. Soloalbumen hennar «Poems for flute» (Motvind) viser potensialet som ligg i å konsentrere eit musikalsk uttrykk rundt akkurat dét instrumentet.

Mellom musikkinnslaga vil forfattar Einar Økland frå Sveio lese eigne dikt. Einar er essayist, lyrikar, dramatiker, forfatter og kritiker. Han debuterte som lyrikar med diktsamlinga «Ein gul dag» i 1963 og har ein omfattande litterær produksjon bak seg.

Skodespelar Martha Kjørven les utvalde dikt av Terje Johanssen. Det var så vellukka i fjor, så vi har invitert Martha i år igjen.

Konferansier laurdag er Audun Vinger Johanssen. Audun er redaktør og kritikar. Han har skrive for Dagens Næringsliv og Jazznytt, vore redaktør i Gyldendal og er aktiv som programleiar. Audun vil sørge for at konserten får ei fin veksling mellom musikk og poesi. Audun kjem frå Jaren på Hadeland og er son av Terje Johanssen.

På dagen 4. juni 2022 er det 80 år sidan lyrikar Terje Johanssen vart fødd i Svolvær i Lofoten. Heile sitt vaksne liv budde diktaren på Jaren. I år vil styringsgruppa markere dagen 80 år etter hans fødsel og at vi har 10-årsjubileum for «Terje Johanssen-dagene, en litteraturfestival på Hadeland». Vi inviterer til ein heidundrande flott konsert!

Billettar får du kjøpt hos https://www.kulturhadeland.no/terje-johanssen-dagene-litteraturfestival-x7fwi5/ (og i døra om vi har ledig plass).

Stor takk til Innlandet fylkeskommune, Kulturrådet, SpareBankstiftelsen Gran, Gran kommune og Norsk Forfattersentrum som gjer festivalen mogeleg.

I år blir «Terje Johanssen dagene – En litteraturfestival på Hadeland», arrangert for tiande gong. Det vil vi feire med eit fyldig og godt program. I år kjem forfattaren Einar Økland frå Sveio i Rogaland, forfattaren Bjørn Hatterud frå Brumunddal, årets litteraturkritikar Bjørn Ivar Fyksen fra Gran og Oslo, samt musikaren Hege Rimestad til Folkvang på fredagskvelden 3. juni.
Einar Økland vil også delta i morgon, laurdag.

Einar Økland er ein av dei verkeleg store i norsk litteratur dei femti siste åra. Han var ein av Profilforfattarane og har ein stor og variert produksjon. Økland har skrive innanfor dei fleste litterære sjangre. Kanskje mest kjent er han for dikta sine og dei ofte humoristiske og kloke prosatekstene. Han har fått Brageprisen og fleire litterære priser for forfattarskapet sitt. I fjor haust fekk han også eit eige TV-program, «Einars veg» på NRK i samband med at han fylte 80 år, sjå https://tv.nrk.no/program/KOID75006820. Vi er særs glade for å ha fått Einar Økland til Hadeland, og gler oss til han skal foredra om litteratur og eige forfattarskap, og lese eigne tekster.

Bjørn Hatterud vart landskjent i fjor for boka si «Mjøsa rundt med mor – ei livsreise». Boka fekk gode kritikkar, og Hatterud vart tildelt kritikarprisen for beste sakprosabok for vaksne i 2020. Mellom anna vart det sagt at boka var «ei hyllest til ein oppvekst, ein generasjon, eit geografisk område og ikkje minst til ei mor.». Hatterud vil bli intervjua av Bjørn Ivar Fyksen, kåra til årets litteraturkritikar.

Fyksen er frå Gran, har doktorgrad om Prøysen og har gitt ut boka «Almuens opera». Han har vore redaktør av og er litteraturkritikar i Bokmagasinet.

Hege Rimestad, norsk fiolinist og komponist, kjent som pioner på elektrisk fele vil stå for dei musikalske innslaga under arrangementet. Ho bur nå på Gran, og er kjent for dei fleste for tida si i gruppene Veslefrikk og Amtmandens døtre (1974; videreført i «Halvsøstra»). Ho har spela og samarbeida med fleire sentrale norske musikarar, mellom anna Mari Boine og Geirr Lystrup. Hege Rimestad vil både spele fele og syngje eigne komponerte låtar.

Billettar: Vaksne: 200 kr – ungdom 12-17: 50 kr – kan kjøpast på førehand her: https://www.kulturhadeland.no/forfattermote-terje-johanssen-dagene-j2pat4/

Takk til Innlandet fylkeskommune, Kulturrådet, SpareBankstiftelsen Gran, Gran kommune og Norsk Forfattersentrum som gjer festivalen mogeleg.