Hadeland dialekt- og mållag

Terje Johanssen-dagene

Poesivandring opp Langgutua

av

«Terje Johanssen-dagene, en litteraturfestival på Hadeland» held fram laurdag 5. juni. No møtast vi ved Fagerlund barnehage (Røysumlinna 2, Jaren) kl. 11.00 for å vandre opp Langgutua saman med konferansier AUDUN VINGER. Målet er Tingelstad gamle kyrkje, Sct Petri, som far hans, lyrikar Terje Johanssen, var så glad i.

Nede ved barnehagen les forfattar LEIF HARALD HØGHAUG eigne dikt. Lenger opp les skodespelar MARTHA KJØRVEN dikt av Terje Johanssen og forfattar JOANNA RZADKOWSKA les eigne dikt. Ta med deg drikkeflaske.

Vi er framme om lag kl. 12.30 ved Tingelstad gamle kyrkje, Sct Petri, Kongevegen 88, Jaren.

MANNSKORET KK syng på kyrkjebakken ca. kl. 12.45, om koret får lov av smittevernomsyn. (Deretter følgjer jazzkonsert med poesi inne i St. Petri, sjå neste hending. Vil du bli med på konserten, kjøper du billett på nettsida kulturhadeland.no, så lenge det er billettar ledig.)

No kan vi dette med å oppgi namn og telefonnummer, sprite hender, ha på maske, halde avstand og halde ut – ikkje sant?

Biletet er frå poesivandringa 26. september 2020 og er teke av Arnfinn Nilsen.

Ut frå bygda og hemmatt

av

«Terje Johanssen-dagene, en litteraturfestival på Hadeland» 4. og 5. juni er i rute. Fredag kveld 4. juni startar festivalen på Gran bibliotek, Skolelia 3.

Tema for kvelden er «Ut frå bygda og hemmatt». Vi får foredrag av forfattarane EDVARD HOEM og TOVE NILSEN! Edvard Hoem var gjest under litteraturfestivalen i Gamle Tingelstad kyrkje i september i fjor då kona Hilde Brunsvik song for oss, og han gler seg til å kome og la oss bli kjend med boka «Felemakaren» som han gav ut i fjor. Tove Nilsen vil tale om boka «Den eneste broren».

Til litteratur vil vi ha høveleg musikk. I år får vi høyre SIGVE LIBERG STIENG spele fiolin. Stieng er student ved Norges musikkhøgskole i Oslo.

FÅ PLASSAR! Billett til kr 200 (inkl. gebyr) kan du berre få kjøpt på nettsida kulturhadeland.no.

Vi håper litteraturfestivalen kan gjennomførast som planlagt. Ver også velkommen til poesivandring opp Langgutua og konsert i St. Petri 5. juni!

Med stor takk til Sparebankstiftelsen Gran, Gran kommune, Norsk kulturfond og Norsk Forfattersentrum!

Biletet av Edvard Hoem er teke av fotograf Paal Audestad

Terje Johanssen-dagene: poesivandring og jazzkonsert

av

Terje Johanssen. Foto: Gyldendal forlag

«Terje Johanssen-dagene, en litteraturfestival på Hadeland» fortsetter laurdag 26.10.2020 med oppmøte kl. 1100 ved Fagerlund barnehage.

Her startar poesivandringa med diktlesing av GERD NYLAND.

Vi går opp Langgutua til Sct Petri, og på vegen tek vi pausar med innlagt diktlesing, m.a. er Terje Johanssen sitt dikt «Opp Langgutua» sentralt. LEIF HØGHAUG, ELEVAR VED HVGS og RUNE CHRISTIANSEN les for oss på stoppestadene oppover.

Vel framme ved Sct Petri får vi kaffi og kringle.

Kl. 12.45 høyrer vi MANNSKORET KK på kyrkjebakken, før vi går inn i Sct Petri, som Terje Johanssen var så glad i. Her får vi jazzkonsert med musikarane KARL SEGLEM, HALLVARD GAARDLØS og songar HILDE BRUNSVIK. Diktlesing ved forfattar RUNE CHRISTIANSEN.

Billett kr 100 inkl. servering før konserten. I Sct. Petri er det berre plass til 30 tilhøyrarar dersom det kjem ein frå kvar husstand. Vil du sikre deg plass til konserten; overfør 100 kr til Hadeland dialekt- og mållags konto 2020 22 05063 seinast 23.9.20. I meldingsfeltet skriv du ditt TLFNR og 26 (for konserten). Billetten får du ved døra.

Blir det ledig plass den 26. september, kan du kjøpe billett med VIPPS eller kontant. (Vi vekslar ikkje.)

Hugs meteren og vel møtt!

Terje Johanssen-dagene: Hesten, kælven og sauen

av

Dag Solstad. Foto: Baard Henriksen

Hesten, kælven og sauen

25.-26. september 2020 inviterer styringsgruppa til litterære opplevingar med kåseri, diktlesing, musikk, poesivandring og jazzkonsert!

Fredag kveld 25. september vil DAG SOLSTAD kåsere på Folkvang. Elevar ved Hadeland vgs opnar kvelden med musikalske innslag, og LEIF HØGHAUG les frå boka si, Kælven.

Så avsluttar SIGMUND LØVÅSEN kvelden: Då han høyrde at kveldens tema er «Hesten og Kælven», kom det kjapt at han kunne jo sei litt om sauen! Løvåsen les dikt og frå romanar frå bygdeliv med jord- og skogbruk.

Inngang kr 200 inkl. servering. Vil du sikre deg plass; overfør 200 kr til Hadeland dialekt- og mållags konto 2020 22 05063 seinast 23.9.20. I meldingsfeltet skriv du ditt TLFNR og 25 (for fredag). Billetten får du ved døra.

Blir det ledig plass på Folkvang, kan du kjøpe billett med VIPPS eller kontant. (Vi vekslar ikkje.)

Hugs meteren. Velkommen til Folkvang!

Arrangementet vart avlyst i juni. No kryssar vi fingrane for at smittefara ikkje blussar opp att. Så fortsetter Litteraturfestivalen laurdag, sjå eiga hending 26. sept. 2020.